shoq har rang raqeeb sir o saman nikla

                                             
                                           شوق ہر رنگ رقیب سر و ساماں نکلا

شوق ہر رنگ رقیب سر و ساماں نکلا
قیس تصویر کے پردے میں بھی عریاں نکلا

زخم نے داد نہ دی تنگئ دل کی یا رب
تیر بھی سینۂ بسمل سے پرافشاں نکلا

بوئے گل نالۂ دل دود چراغ محفل
جو تری بزم سے نکلا سو پریشاں نکلا

دل حسرت زدہ تھا مائدۂ لذت درد
کام یاروں کا بہ قدر لب و دنداں نکلا

تھی نوآموز فنا ہمت دشوار پسند
سخت مشکل ہے کہ یہ کام بھی آساں نکلا

دل میں پھر گریہ نے اک شور اٹھایا غالبؔ
آہ جو قطرہ نہ نکلا تھا سو طوفاں نکلا

کارخانے سے جنوں کے بھی میں عریاں نکلا
میری قسمت کا نہ ایک آدھ گریباں نکلا

ساغر جلوۂ سرشار ہے ہر ذرۂ خاک
شوق دیدار بلا آئنہ ساماں نکلا

کچھ کھٹکتا تھا مرے سینے میں لیکن آخر
جس کو دل کہتے تھے سو تیر کا پیکاں نکلا

کس قدر خاک ہوا ہے دل مجنوں یا رب
نقش ہر ذرہ سویداۓ بیاباں نکلا

شور رسوائی دل دیکھ کہ یک نالۂ شوق
لاکھ پردے میں چھپا پر وہی عریاں نکلا

شوخیٔ رنگ حنا خون وفا سے کب تک
آخر اے عہد شکن تو بھی پشیماں نکلا

جوہر ایجاد خط سبز ہے خود بینیٔ حسن
جو نہ دیکھا تھا سو آئینے میں پنہاں نکلا

میں بھی معذور جنوں ہوں اسدؔ اے خانہ خراب
پیشوا لینے مجھے گھر سے بیاباں نکلا




shoq har rang raqeeb sir o saman nikla
Qais tasweer ke parday mein bhi uryaan nikla

zakham ne daad nah di تنگئ dil ki ya rab
teer bhi seenah bsml se purafshaan nikla

boye Gul naala dil dod chairag mehfhil
jo tri bazm se nikla so prishan nikla

dil hasrat zada tha Maida lazzat dard
kaam yaaron ka bah qader lab o dandan nikla

thi noaamoz fanaa himmat dushwaar pasand
sakht mushkil hai ke yeh kaam bhi aasan nikla

dil mein phir giryaa ne ik shore uthaya غالبؔ
aah jo qatra nah nikla tha so tufaan nikla

karkhanay se junoo ke bhi mein uryaan nikla
meri qismat ka nah aik aadh gireybn nikla

saghar jalva sarshar hai har zarra khaak
shoq deedar bulaa aaynh saman nikla

kuch khatkata tha maray seenay mein lekin aakhir
jis ko dil kehte they so teer ka pekaan nikla

kis qader khaak sun-hwa hai dil majnu ya rab
naqsh har zarra sweeda byaban nikla

shore ruswai dil dekh ke yak naala shoq
laakh parday mein chhupa par wohi uryaan nikla

shokhi e rang hina khoon wafa se kab taq
aakhir ae ehad shikan to bhi pasheman nikla

johar ijaad khat sabz hai khud beini husn
jo nah dekha tha so aaiine mein panhan nikla

mein bhi mazoor junoo hon asad ae khanah kharab
peshwa lainay mujhe ghar se byaban nikla